الجزء الثالث من قصه " إبليس هيكون حمايا "
انتهى الجزا التانى من قصتنا لما وصلنا للشيخ وقدمهولنا الراجل الى كان معانا على انه الشيخ كساب ولما قالى انا مستنيك من يجى 20 سنه
الجزا ده بعنوان ابن الجان حملت به امى
بعد ما قال الجمله دى انا بصيت ليه فى اندهاش فضحك ضحكه زى ميكون بيقولى ولسا انت شفت حاجه جدتى كمان ارتسمت على وشها علامة حيره ازاى دنتا اول مره تشوفه ومستنيه من عشرين سنه ايه الحكايه بالظبط المهم قطع كلامنا الشيخ ودعانا للدخول بالفعل دخلنا وانا داخل حسيت بخنقه فى صدرى بس كانت خفيفه انتو عارفين لما تخافو كدا مره واحده وبطنكو توجعكو نفس الاحساس المنظر طبعا عنده غريب قاعد على كنبه صغيره بجوز عمدان على كل عمود منهم جمجمه بس دى جمجمه طفل صغير لان حجمها صغير ووراه على الحيطه بومه متحنطه وقدامه على الطربيزه غراب اسود كبير بعيون حمرا متحنط وتحس من ريحة المكان بريحه وحشه اوى اوى فدخلنا ولسا جى اقعد لقيته بيقولى لاااااااااا استنا وهو بيصرخ انا اتفزعت من صوته وبصيت له ايه فيه ايه قالى انت متقعدش هنا قلتله امال اقعد فين انا هقعد جمب جدتى قالى انت عاوز تازينى ولا ايه انت هتقعد مكانى قلتله وسط الجمجمتين دول انما قولى الاول دى جماجم حقيقيه رد عليا بضحكه خفيفه كدا اكيد طبعا
بصيت له وقلتله بس دى صغيره دى اطفال ولا ايه انت بتروح تسرق العضم من الطرب ولا ايه يا شيخنا وكنت بقول الجمله دى على سبيل الضحك معاه يعنى قلى لا دى جماجم اطفال مقتولين مش ميتين فيه فرق
الكل فى نفس واحد وبصرخه الى بتتقال فجاه دى لما بنسمع حاجه عجيبه ايه انت بتقول ايه
بص لجدتى وقلها فيه جن ياحاجه واعمال مينفعش تتعمل غير لما يدبح طفل قربان للجاااان جدتى بان من وشها انها ممكن يجلها سكته قلبيه حبيت اقطع كل ده واتمالكت نفسى بالعافيه وبرعب شديد قعدت على الكرسى وهوا قعد على كنبه جمبى كدا وجدتى والراجل على كنبه تانيه اول ما قعدت على الكرسى ريح سخنه تكاد تكون زى البخار ملت المكان عارفين انتو صوت الريح لما يمشى فى الصحرا كان نفس الصوت مع ان الشبابيك مقفوله وجمبينا بيوت يعنى مفيش هوا كدا كساب قام باصص ليا وقلى اهلا بيك مش قلتلك انت مينفعش تكون غير على كرسى العرش قمت باصص له وبعلو صوتى بقولك ايه شوفلى حل ايه الى انا فيه ده انت كمان هتقولى عرش انا عاوز تفسير حالا للى بيحصلى والا انا هعرف شغلى معاك
المرادى كساب الى اتفزع وقلى لا لا انا مش قد ازاك
الراجل الى كان معانا لزق فى ضهر الكنبه من الخوف مش قد ازاك ومين الى بيقول كدا الشيخ الكبير بيقول للولد ده مين الولد ده انا كان مالى ومال ده كله ياربى
وهنا قطع كلامه كساب وقال اسمع بقا انا هحكيلك الحكايه من الاول
انت تكاد تكون مش انسى لما والدتك مكنتش بتخلف وراحت لشيوخ كتير اوى كان كل شيخ طبعا بيحضر عليها الجان بتاعه عشان يحاول يزرع اى بزره فى الرحم بتاعها عشان تحمل او بيعملها اعمال وطبعا مبيعملش الكلام ده غير الجن ربنا يجعل كلامنا خفيف عليهم شيخ واتنين وتلاته وكل واحد بيحضر جن شكل والجن بيخش الرحم يحاول يقوم بمهمته انه يحط جنبن فى الرحم فيه الى فشل وفيه الى نجح بس احب اقولك ان اقوى الجن الى كان بيوصل ووصل لرحم امك عشره من الجن بس كان كل واحد منهم بيقوم بمهمه وبعدين مبيقدرش يقوم بالتانيه فكان الى بعده بيكمل الى ان اكتمل وضع الجنين بدخول الجن العاشر الى كان من وزراء ابليس يعنى حضرتك مولود من من
قلتله كمل كمل سامعك ومتخفش
قلى حاااضر هكمل انت مولود من جماع عشره من الجن جماع كامل مع امك
قلتله ايه انت بتقول ايه
قلى مهى مكنتش بتحس بيهم بس الجن لما كان بيدخل كان بيحط بزرته هوا بس بياخد من الرحم فقط الشكل الادمى وانت مولود من عشره مش من واحد بس وده الى خلى ملك ملوك الجان يتمسك بيك ويجوزك بنته وبيقولها وهوا بيترعب وشكله خايف زى ميكون شايف ملك الملوك ده قدامه
قمت قيله بضحكه كدا طبعا ده ابليس بس انا متجوزتش حد
قلى لا انت متجوزها من قبل متتولد ودلوقتى انت اقرب واحد للملك انت جوز بنته وكنا متخبرين بوصولك وعالم الجن كله عارف بوصولك من قبل حتى ما ام ام ام ام امك تتولد من مئات السنين ولقيته بدا يتكلم بلغه غريبه بس الغريب اكتر انى فهمها ومحدش من الى قاعد فاهم كلمه ولقيته بيقولى انا من وزراء ملك الملوك تم تجسيدى فى صورة بشر وارسالى من قبل الملك لاستقبالك واصطحابك لقصر الملك لاقامة مراسم التتويج على المملكه واستكمال الزواج
قمت باصص له كدا انت بتقول ايه انت اتجننت
لقيته بيقولى مولاى انا عبد المامور وانا مامور انى اطيعك فى كل حاجه اى حاجه
ففهمت كلامه وقلتله اى حاجه اى حاجه
رد وقلى ايوه
قلتله طيب انا عاوز اشوف العشره من الجن الى انا المفروض اقولهم يا بابا وبقولها بسخريه طبعا
رد وقلى تحت امر سموك تحب سموك دلوقتى ولا امتى
قلتله لالالا دلوقتى لا لا انا خايف بس على جدتى اصل انا يعتبر خلاص اتعودت عليهم بقينا اهل يا زباين
قلتله وبلغ الملك انى هقابله بعد اسبوع من دلوقتى
وهنا صرخت جدتى تقابل مين انت اتجننت انت عارف انت بتقول ايه
قلتله يا جدتى حبيبتى انا لسا شايفه من شويه فى العربيه ويمكن اقدر اتفاهم معاه
وهنا ابتسم الشيخ وقال بفرحه كبيره انا هاخد مكافئه كبيره على الخبر السعيد الى هبلغه ده من الملك ومكافئه اكتر واكبر من جلالة الملكه بنته وانت اكيد يا مولاى لما يتم التتويج ارجوك خلينى وزير من وزراءك
ولقيته مره واحده بص للسقف وبيقول حاضر حاضر
وقلى استازن سموك فى الانصراف الملك بيتدعينى عشان ابلغه الاخبار بنفسى قمت قايم بسرعه واخد جدتى ونازلين والراجل كان قبلينا نازل بسرعه رهيبه ودعت كساب وقلتله نتقابل بقا هناك رد وقلى معشر الجن كله هيكون فى استقبالك مولاى القبائل كلها هتكون فى استقبال الملك
قلتله كمان معشر وقبائل متلم الدور شويه ياعم كفايه الى انا فيه وسبته ونزلت
ليست هناك تعليقات:
إرسال تعليق